اسلام آباد۔18اگست(اے پی پی)نگران وزیر خزانہ و ریونیو شمشاد اختر فیڈرل بورڈ آف ریونیو (ایف بی آر) ہیڈکوارٹرز دا دورہ کیتے اتے چیئرمین ایف بی آر ملک امجد زبیر ٹوانہ اتے بورڈ ممبران نال ملین۔ اجلاس اچ ایف بی آر دی محصولات وصولی دی کارکردگی دا جائزہ ڳھدا۔ چیئرمین ایف بی آر وفاقی وزیر خزانہ کوں ایف بی آر دے محصولات کٹھے کرݨ دی کارکردگی بشمول اڄوکے مالی سال 2023-24 دے اہداف اتے حکمت عملی تے تفصیلی بریفنگ ݙتی جو ایں سال محصولات دا ہدف 9415 ارب روپے اے۔ انہاں ٹیکس ادائیگی کیتے سوکھ، ٹیکس بنیاد ودھاوݨ، ٹریک اینڈ ٹریس سسٹم اتے پوائنٹ آف سیل سسٹم اقدامات دا ݙسایا۔ نگران وزیر خزانہ ٹیکس ٹو جی ڈی پی دا تناسب اتے محصولات وصولی ودھاوݨ کیتے ٹیکس بنیاد ٻئی وسیع کرݨ تے زور ݙتا جو بغیر ٹیکس آلے شعباں تے ٹیکس لاوݨ دے طریقے اپنائے ونڄن۔
