اسلام آباد۔18مئی (اے پی پی) صدر مملکت ڈاکٹر عارف علوی انسداد ہراسیت محتسب دے حکم دے خلاف پاکستان انسٹیٹوٹ آف ڈیویلپمنٹ اکنامکس (پائیڈ) دے وائس اتے پرو وائس چانسلر دی اپیل مسترد کریندیں ہوئیں ہراسانی کیس اچ تریمت کوں جبری ریٹائر کرݨ دا حکم معطل کر ݙتے۔ پائیڈ دی تریمت ملازمہ وائس چانسلر اتے پرو وائس چانسلر تے ہراسانی دا الزام لاتا ہئی۔ صدرمملکت اپݨے فیصلے اچ آکھیا جو پائیڈ تریمت کوں جبری طور تے ریٹائر کر تے انسداد ہراسسیت ایکٹ دی روح دی خلاف ورزی کیتی اے۔ ہراسانی دے معاملے دی انکوائری دی کاروائی انسداد ہراسیت محتسب سامھے زیر سماعت اے، انسداد ہراسیت ایکٹ 2010 دے تحت انکوائری وچال شکایت کنندہ یا گواہاں دے خلاف کوئی سخت کاروائی نی کیتی ونج سڳدی۔ صدر عارف علوی پائیڈ دے وائس اتے پرو وائس چانسلر دی اپیل مسترد کر ݙتی، ہراسانی کیس اچ تریمت کوں جبری ریٹائر کرݨ دا حکم معطل کر ݙتا۔
