اسلام آباد۔14ستمبر(اے پی پی):وفاقی وزیر برائے سائنس و ٹیکنالوجی سینیٹر شبلی فراز آکھیے جو آزادانہ، صاف اتے شفاف انتخابات سانڳے الیکٹرانک ووٹنگ مشین دا استعمال ضروری اے، ترقی یافتہ ملک دا خواب انتخابی نظام اچ جدید ٹیکنالوجی دے بغیر پورا نئیں تھی سڳدا، اپوزیشن انتخابی اصلاحات کیتے سنجیدہ نئیں تہوں الیکٹرانگ ووٹنگ مشین ݙٹھے بغیر ایندے تے اعتراض کیتن۔ نجی ٹی وی چینل نال الیندے انہاں آکھیا جو حکومت انفارمیشن ٹیکنالوجی اتے جدید علوم سانڳے جامع پروگرام تے کم کریندی پئی اے، ملک دے انتخابی نظام کتیے جدید ٹیکنالوجی استعمال تھیوݨی چاہیدی اے جیندے کیتے الیکٹرانک ووٹنگ مشین ٻہوں موثرثابت تھیسی، ایں سانڳے الیکشن کمیشن اتے متعلقہ فریقاں توںا عتراض اتے صلاح منڳی اے، اپوزیشن کوں وی سنجیدگی ݙکھاوݨی ہوسی۔
