اسلام آباد۔9اگست (اے پی پی) صدر مملکت آصف علی زرداری پیرس اولمپکس اچ گولڈ میڈل جتݨ تے پاکستانی ایتھلیٹ ارشد ندیم کوں مبارخ ݙیندیں ہوئیں آکھیا جو فائنل اچ شاندار اولمپک ریکارڈ ٻݨاوݨ اتے وݙے لمبے فاصلے تے جیولن تھرو کرݨ وݙا کارنامہ اے۔ جمعے کوں ایوان صدر دے پریس ونگ توں جاری بیان موجب صدرمملکت ارشد ندیم کوں مبارخ ݙیندیں ہوئیں آخھیا جو تساں پوری قوم دا فخر ہیوے، ارشد ندیم دی جت پوری قوم دی جت اے۔ صدر مملکت آصف علی زرداری آکھیا جو ارشد ندیم اولمپکس دے وݙے مقابلے اچ پاکستان دا ناں اُچا کیتا۔ انہاں دعا کیتی جو اللہ تعالیٰ ارشد ندیم کوں مستقبل اچ ٻئی کامیابیاں ݙیوے۔
