اسلام آباد – 04 سيپٽمبر (اي پي پي) وزيراعظم عمران خان جي صدارت ۾ نئون پاڪستان هائوسنگ منصوبي تحت وفاقي گادي واري شهر ۾ مختلف منصوبن جي حوالي سان اعليٰ سطحي اجلاس ٿيو. اجلاس ۾ خصوصي معاون سيد ذوالفقار عباس بخاري، خصوصي معاون نديم افضل چن، اسٽيٽ بئنڪ جي گورنر رضا باقر، هائوسنگ واري سيڪريٽري ڊاڪٽر عمران زيب، نئون پاڪتان هائوسنگ اٿارٽي جي چيئرمين ليفٽيننٽ جنرل (ر) انور علي حيدر، سي ڊي اي چيئرمين عامر احمد علي ۽ ٻين سينيئر آفيسرن شرڪت ڪئي. وزيراعظم کي نئون پاڪستان هائوسنگ منصوبي ۽ سرڪاري زمين کي موثر طريقي سان استعمال ۾ آڻڻ جي حڪومتي پاليسي تحت وفاقي گادي واري شهر ۾ ڪمرشل، رهائش ۽ ڪاروباري سرگرمين جي لاءِ ڊگهين عمارتن جي تعمير جي حوالي سان تجويز ڪيل منصوبن تي تفصيلي بريفنگ ڏني وئي.
