اسلام آباد۔30ستمبر(اے پی پی) اقوام متحدہ دے آفیشل یوٹیوب چینل تے عالمی رہنماواں دی تقاریر اچ وزیراعظم شہباز شریف دی تقریر سب توں ودھ ݙٹھی گئی۔ اقوام متحدہ دے ادارے سینٹر فار پبلک اوپینین ریسرچ موجب اقوام متحدہ دے آفیشل یوٹیوب چینل تے وزیراعظم شہباز شریف دی تقریر سب توں ودھ واری ݙٹھا ڳئے ایندے نال او اقوام متحدہ دی جنرل اسمبلی نال خطاب ڄڳ اچ سب توں ودھ ݙٹھے ونڄݨ آلے عالمی رہنما ٻݨ ڳن۔ وزیراعظم شہباز شریف دے اقوام متحدہ دے اجلاس نال خطاب کوں یو این آفیشل یوٹیوب چینل تے ہک لکھ 37 ہزار لوکاں ݙٹھے۔ اے خطاب جنرل اسمبلی دی آفیشل یوٹیوب چینل تے براہ راست ݙکھایا ڳیا ہا۔ الجزیرہ دے ٹک ٹاک اکاؤنٹ تے وی وزیراعظم شہباز شریف دا خطاب 16 لکھ لوکاں ݙٹھے۔
