اسلام آباد۔2ستمبر(اے پی پی)وفاقی وزیر برائے صنعت و پیداوار رانا تنویر حسین آکھیے جو یوٹیلیٹی سٹورز کارپوریشن (یو ایس سی) بند کرݨ دا کوئی منصوبہ زیر غور نئیں، یوٹیلیٹی سٹورز کارپوریشن دی تنظیم نو دے مختلف آپشنز تے کم تھیندا پئے۔ اے ڳالھ انہاں یوٹیلیٹی سٹورز کارپوریشن دے وفد نال ملݨ ویلھے آکھی۔ ایم ڈی یوٹیلٹی سٹورز کارپوریشن اتے سیکرٹری صنعت و پیداوار وی ملاقات اچ موجود ہن۔ وفاقی وزیر آکھیا جو یوٹیلیٹی سٹورز کارپوریشن بند نا تھیسی، تنظیم نو دے کڄھ آپشنز ݙیہدے پئے ہیں، شفافیت کیتے سبسڈی دا نواں طریقہ کار ݙیسوں، ایں سانڳے یو ایس سی دی بندش دا کوئی یکطرفہ اقدام نہ کیتا ویسی، سارے فیصلے ملازمین اتے ٻئے فریقاں دی صلاح نال تھیسن اتے حکومت ملازمین دے مفادات دا تحفظ کریسی۔
