اسلام آباد۔9نومبر (اے پی پی):وزیراعظم محمد شہباز شریف آکھیے علامہ اقبال دی شاعری صرف اپݨے وقت دی عکاس کائنی بلکہ عمل اتے خود شناسی دی لازوال دعوت اے بالخصوص نینگر اوسط درجے دی زندگی کوں چھوڑ تے غیر متزلزل ایمان تے محنت کوں آپݨا شعارتے دنیا اچ آپݨا ناں بݨاون اساکوں اقبال دی تعلیمات کوں مجسم کرتے نویں امید اتے عزم نال اڳوں ودھݨ دا عہد کرݨا چاہیدے ۔ اے ڳالھ انھاں علامہ ڈاکٹر محمد اقبال دے 147ویں یوم پیدائش تے آپݨے سنھیے اچ آکھی ۔وزیراعظم یوم اقبال دے پرمسرت موقع تے پاکستان دے قومی شاعر علامہ محمد اقبال کوں زبردست خراج تحسین پیش کریندے آکھیے او ھک صاحب بصیرت شاعر، فلسفی اتے ٻہوں اُچی شخصیت ہن انھاں آکھیے علامہ اقبال دے افکار اتے تحریراں نہ صرف پورے برصغیر، وسط ایشیاء بلکہ پوری دنیا تے گہرا اثر پاتے ، اقبال دے فلسفے برصغیر دے مسلماناں کوں آپݨی انڄ شناخت دا ادراک ݙے تے ھک انڄ وطن دا خواب روشن کیتے جیں دے نتیجے اچ وطن عزیز پاکستان دا قیام عمل اچ آئے ۔ محمد شہباز شریف آکھیے خود انحصاری، خود آگاہی تے اتحاد متعلق انھاں دی تعلیمات مسلماناں سانڳے بطور امت اتے اساں کیتے بحیثیت قوم ترقی تے خوشحالی سانڳے جدوجہد کرݨ دا باعث ہن ، علامہ اقبال دی شاعری صرف اپݨے وقت دی عکاس کائنی بلکہ عمل اتے خود شناسی دی لازوال دعوت اے۔ انھاں نینگراں تے زور ݙتے جو او اوسط درجے دی زندگی کوں چھوڑ تے غیر متزلزل ایمان اتے محنت کوں آپݨا شعار بݨاون تے دنیا اچ آپݨا ناں بݨاون ۔ وزیراعظم ایں ڳالھ تے زور ݙتے جو اڄ دے ݙینھ اساں آپݨے آپ کوں انھاں دے وژن تے عمل کرݨ تے ھک ایجھی قوم بݨاوݨ دا عہد کروں جیڑھا انھاں دے انصاف، مساوات اتے اعلیٰ ظرفی دے نظریات دی عکاسی کرے،اڄ اے عہد کروں اساں سارے اقبال دی تعلیمات کوں مجسم کرتے نویں امید تے عزم نال اڳوں ودھسوں۔
