اسلام آباد۔26اپریل (اے پی پی) وزیراعظم محمد شہباز شریف سعودی عرب اچ عالمی اقتصادی فورم دے خصوصی اجلاس اچ شریک تھیسن جیڑھا جو 28 توں 29 اپریل کوں ریاض اچ ”عالمی تعاون، نمو اتے توانائی برائے ترقی“ دے موضوع تے تھیندا پئے۔ جمعے کوں دفتر خارجہ دی ترجمان ممتاز زہرہ بلوچ آپݨی ہفتہ وار پریس بریفنگ اچ میڈیا کون ݙسیا جو وزیراعظم شہباز شریف، وزیر خارجہ سینیٹر اسحاق ڈار دے رلے سعودی ولی عہد اتے وزیراعظم محمد بن سلمان اتے ڈبلیو ای ایف دے بانی و ایگزیکٹو چیئرمین دی دعوت تے سعودی عرب دا دورہ کریسن۔ انہاں آکھیا جو فورم اچ اعلیٰ سطح دی شرکت عالمی سطح تے صحت دے ڈھانچے، جامع ترقی، علاقائی تعاون اتے نمو اتے توانائی دی کھپت وچال توازن اچ پاکستان دی ترجیحات کوں اجاگر کرݨ دا موقع ݙیسی۔ وزیر اعظم 4-5 مئی 2024 کوں گیمبیا دے دارالحکومت بنجول اچ “پائیدار ترقی کیتے مذاکرات دے ذریعے اتحاد اتے یکجہتی کوں ودھاوݨ” دے نعرے دے تحت اسلامی سربراہی کانفرنس دے 15ویں اجلاس اچ شرکت کیتے گیمبیا دا دورہ کریسن۔ او آئی سی دا سربراہی اجلاس ایجھے نازک ویلھے تھیندا پئے جڈاں غزہ اچ اسرائیلی مظالم دا سلسلہ جاری اے۔ انہاں آکھیا جو وزیر اعظم شہباز شریف غزہ اچ نسل کشی تے پاکستان دی شدید تشویش دا اظہار کریسن۔
