اسلام آباد۔14جنوری(اے پی پی)پاکستان پیپلز پارٹی دے چیئرمین اتے وفاقی وزیر خارجہ بلاول بھٹو زرداری آکھیے جیکر اعتماد دا ووٹ ڳھنݨا پیا تاں اساں اپݨے نمبر پورے کر ݙکھیسوں، ساکوں کوئی وی ݙر کائنی اتے سارے توجہ ایں ویلھے بلدیاتی انتخابات تے اے۔ نجی ٹی وی چینل نال الیندے انہاں آکھیا جو بلدیاتی ہوون یا عام انتخابات پیپلز پارٹی نئیں ڈردی، الیکشن کمیشن دے فیصلے دے بعد کنفیوژن کلیئر تھی چکی اے، آݙت کوں ہی پولنگ تھیسی، ساݙے کارکن گھرو نکل تے ودھ تے ووٹ ݙیون۔ وزیر خارجہ آکھیا جو ملکی معیشت عمران خان دی وجہ نال اوکھ اچ آئی اے، انہاں کوں سمڄھ لڳ ڳئی اے جو معیشت تیکھے اوکھ توں نکل آسی، تہوں اے معاملات خراب کرݨ چاہندن بھل ملکی مفاد اچ نئیں جو فوری عام انتخابات تھیون۔
