فیصل آباد ۔12اگست (اے پی پی):محکمہ اوقاف و مذہبی امورفیصل آباد یوم آزادی پاکستان دی ڈائمنڈ جوبلی تے ساریاں مسیتاں اچ قرآن خوانی کراوݨ دا اعلان کیتے ۔ محکمہ اوقاف فیصل آباد ریجن دے ترجمان آکھیے جو یوم آزادی تے ساریاں مسیتاں اچ نماز فجر دے بعد قرآن خوانی دی خصوصی تقریبات منعقد کیتیاں ویسن تے وطن عزیز دی سلامتی، ملکی استحکام، اندرلے تے ٻاہرلے خلفشار توں نجات، جغرافیائی و نظریاتی سرحداں دی حفاظت، قدرتی آفات، ناگہانی حادثے، افسوسناک سانحات توں بچݨ ، اتحاد بین المسلمین، بین المذاہب ہم آہنگی، اخوت و یگانگت، بھرپیدی فضا دے ودھارے ، انتہا پسندی، دہشت گردی توں نجات، عوامی خوشحالی، قومی فلاح، علاقائی تعمیر و ترقی اتے امن و امان کیتے خصوصی دعاواں منگیاں ویسن ۔ انہاں ݙسائے جو یوم آزادی دے موقع تے شہدائے تحریک پاکستان کوں خراج عقیدت اتےغازیاں کوں خراج تحسین پیش کرݨ توں علاوہ وطن عزیز دی سا میت کیتے قیمتی جاناں دا نذرا نہ پیش کرݨ آلیں نال اظہار یکجہتی وی کیتا ویسی ۔
