اسلام آباد ۔ 12 فروری (اے پی پی) چین پاکستان اقتصادی راہداری منصوبے (سی پیک) دے تحت ساہیوال کول منصونہ ، پورٹ قاسم پاور پلانٹ اتے کیروٹ ہائیڈرو پاور پراجیکٹ سمیت توانائی دے بئے منصوبیاں دی یلے سر تکمیل نال توانائی دی ملکی لوڑ کوں پورا کرنڑ اچ مدد ملسی ۔ توانائی دے وڈے پیدواری منصوبے مالی سال 2017-18ء اچ پورے کر گھدے ویسن ، جیندی مدد نال 5 ہزار میگاواٹ بجلی پیدا تھیسی اتے بجلی دی طلب اتے رسد اچ موجود فرق کوںمکاونڑ اچ مدد ملسی ۔ وزارت منصوبہ بندی و ترقی دے حکام ”اے پی پی”کوں ڈسایا جو کوئلے ، شمسی توانائی، ہوا اتے آبی وسائل نال بجلی دی پیداوار سانگے جامع حکمت عملی دے تحت اقدامات کیتے ویندے پئے ہن ۔ انہاں آکھیا جو سی پیک دے ادھی مدت دے منصوبے 2025ء تئیں پورے تھی ویسن ، جڈانجو لمبی مدت دے منصوبیاں دی تکمیل 2030 ء تئیں تھیسی ۔ انہاں آکھیا جو انہاں منصوبیاں اُتے جاری کم اچ ہرڈینھ اضافہ تھیندا پئے ۔
