اسلام آباد۔27جنوری(اے پی پی)وفاقی وزیر داخلہ شیخ رشید احمد پشاور دا دورہ کیتے۔ وزیر داخلہ شیخ رشید احمد اتے وزیر اعلی کے پی محمود خان امن اومان سانڳے اجلاس دی کٹھے اڳواݨی کیتی.وزیر داخلہ شیخ رشید احمد کوں صوبے اچ امن و امان دی صورتحال تے بریفنگ ݙتی گئی۔ اجلاس اچ صوبے دے چیف سیکرٹری، آئی جی پولیس اتے بئے قانون نافذ کرݨ آلے اداریاں شرکت کیتی۔ وزیر داخلہ امن وامان سانڳے صوبے دی انتظامیہ اتے قانون نافذ کرݨ آلے اداریاں دی کارکردگی دی تعریف کیتی۔ وزیر داخلہ آکھیے جو صوبے امن وامان سانڳے فرنٹ لائن دا کردار ادا کیتے، امن و امان قائم کرݨ کیتے اساں وݙی قربانیاں ݙتن۔ انہاں آکھیا جو کہیں دشمن کوں ملک دا امن وامان خراٻ کرݨ دی اجازت کائنا ݙتی ویسی۔
