اسلام آباد – 07 فيبروري (اي پي پي) قومي اسيمبلي جي اسپيڪر اسد قيصر چيو آهي ته ملڪ کي هن وقت بي شمار معاشي ۽ سماجي مسئلن سميت سنگين گهرو ۽ پرڏيهي چئلينجز درپيش آهن، اسان کي هر قسم جي سياسي اختلافن ۽ وابستگين کان مٿانهون ٿي ڪري ملڪ جي لاءِ گڏجي ڪم ڪرڻ جو وچن ڪرڻو پوندو. پاڪستان انسٽيٽيوٽ آف پارليامينٽري سروسز ۾ ”اولڊ پارليامينٽرينز فورم“ جي افتتاحي تقريب کي خطاب ڪندي اسپيڪر چيو ته ان اهم فورم جي قيام جي لاءِ اڳوڻي اسپيڪر سردار اياز صادق، سيد خورشيد احمد شاهه، اڳوڻي پارلياماني معاملن واري وزير شيخ آفتاب احمد ۽ زمرد خان جو ڪردار واکاڻ جوڳو آهي.
