اسلام آباد۔28ستمبر(اے پی پی) الیکشن کمیشن عوام دی سہولت کیتے انتخابی فہرستاں وختی طور تے 25ا کتوبر2023 تئیں غیر منجمد کرݨ دا فیصلہ کیتے ۔ انتخابی فہرستاں الیکشنز ایکٹ 2017 دی دفعہ 39 دے تحت 20 جولائی 2023 کوں منجمد کیتیاں ڳیاں ہن۔ خمیس کوں الیکشن کمیشن آف پاکستان توں جاری بیان اچ آکھیا ڳئے جو سارے اہل افراد توں درخواست اے جو مورخہ 25 اکتوبر 2023 تئیں آپݨے ووٹ دے اندراج، اخراج ، منتقلی تے شناختی کارڈ دے مطابق کوائف دی درستگی یقینی بݨاون۔
