اسلام آباد۔11اگست (اے پی پی) علامہ اقبال اوپن یونیورسٹی دے سمسٹر بہار 2022ء دے میٹرک، ایف اے اتے آئی کام دے امتحانات یکم ستمبر توں شروع تھیسن جیڑھے ترائے اکتوبر تئیں جاری رہسن۔ کنٹرولر امتحانات، میاں محمد ریاض دے مطابق ڈیٹ شیٹ یونیورسٹی دی ویب سائٹ تے اتے رول نمبر سلپس طلبہ دے سی ایم ایس اکاؤنٹ تے اپ لوڈ کر ݙتی ڳئن۔ رول نمبر سلپس طلبہ دے ݙتے ڳئے پتے تے وی بھیجی ویندی پئن۔ انہاں آکھیا جو وائس چانسلرپروفیسر ڈاکٹر ضیاء القیوم طلبہ کوں گھر دے نیڑے دی جہیں تے امتحانی سہولت ݙیوݨ دی ہدایت کیتی ہئی جئیں دی بنیاد تے پورے ملک اچ 850 امتحانی مراکز بݨائے ڳئن ۔
