اسلام آباد۔24جون (اے پی پی) وفاقی وزیر خزانہ تے محصولات شوکت ترین آکھیا جو وزیراعظم عمران خان دی قیادت اچ اڄوکی حکومت قبائلی ضلعیاں اچ امن ترقی اتے خوشحالی سانڳے پرعزم اے۔ وزیراعظم سابق فاٹا دے ضلعیاں اچ صنعت کاری دی راہ اچ رکاوٹاں کوں دور کرݨ دی ہدایت ݙے ݙتی اے۔ انہاں اے ڳالھ خمیس کوں اتھاں سابق قبائلی علاقہ جات دے انڈسٹریز دے نمائندیاں دے اجلاس نال خطاب کریندیں ہوئیں آکھی۔ اجلاس اچ وزیر دفاع پرویز خٹک، وزیر صنعت تے پیداوار مخدوم خسرو بختیار، مشیر تجارت عبدالرزاق دائود، معاون خصوصی ریونیو ڈاکٹر وقار مسعود، چیئرمین ایف بی آر عاصم احمد وی شرکت کیتی۔ وزیرخزانہ اجلاس کوں ݙسیا جو سابق قبائلی ضلعیاں اچ امن ترقی اتے خوشحالی پورے ملک سانڳے ضروری اے۔ وزیر خزانہ ، چیئرمین ایف بی آر سودھے سارے متعلقہ محکمیاں اتے وزارتاں کوں سابق فاٹا اچ صںعت کاری اچ رکاوٹاں کوں دور کرݨ اتے ایں بارے آندے اجلاس اچ رپورٹ پیش کرݨ دی ہدایت کیتی۔
