راولپنڈی ۔9اکتوبر(اے پی پی) بلوچستان دے ضلع ژوب اچ سکیورٹی فورسز ایف سی دی چوکی تے حملہ ناکام بݨیندے خودکش حملہ آور سودھے 2 دہشت گرداں کوں ہلاک کرݙتے ۔آئی ایس پی آر موجب دہشت گرداں ٻدھ دی سویل ایف سی چوکی کوں نشانہ بݨاوݨ دی کوشش کیتی جیں تے سکیورٹی فورسز دی جوابی کارروائی اچ خودکش حملہ آور سودھے 2 دہشت گرد ہلاک تھی ڳئن ۔ سکیورٹی فورسز انتہائی مطلوب دہشت گرد عمرعرف عماری کوں وی جہنم واصل کرݙتا۔ ہلاک دہشت گرد ڈپٹی کمشنر شیرانی دے قافلے تے حملے سودھے کئی کارروائیاں اچ ملوث ہئی۔ دہشت گرداں نال شدید فائرنگ دے تبادلے اچ حوالدار جمشید خان شہید تھئن، 39سالہ حوالدار جمشید خان شہید ڈیرہ بگٹی دے رہائشی ہن۔ سکیورٹی فورسز دی طرفوں علاقے اچ دہشت گرداں دی ممکنہ موجودگی تے آپریشن کیتا ویندا پئے ۔ آئی ایس پی آر آکھیے افواج پاکستان دہشت گردی مکاوݨ سانڳے پرعزم اے۔
