اسلام آباد۔12جون (اے پی پی) وفاقی حکومت نویں مالی سال2024-25 دے سرکاری شعبہ دے ترقیاتی پروگرام (پی ایس ڈی پی) دے تحت انسانی حقوق ڈویژن دے 8 جاری منصوبیاں کیتے کل 104 ملین روپے رکھین۔ بدھ کوں جاری کیتے ڳئے سرکاری شعبہ دے ترقیاتی پروگرام پی ایس ڈی پی موجب حکومت وزارت انسانی حقوق دے جاری اٹھ ترقیاتی منصوبیاں کیتے مجموعی طور 104 ملین روپے رکھݨ دی تجویز ݙتی اے جئیں دے تحت انسانی حقوق انفارمیشن مینجمنٹ سسٹم (ایچ آر آئی ایم ایس) کیتے 8.400 ملین روپے ، وزارت انسانی حقوق اچ پی ایم یو ٻݨاوݨ کیتے 20 ملین روپے، خیبرپختونخوا اچ ضم تھیوݨ آلے ضلعیاں اچ انسانی حقوق دے سب آفسز ٻݨاوݨ کیتے 14 ملین روپے، انسانی حقوق آگاہی پروگرام کیتے 8.9 ملین روپے، انسانی حقوق کوآرڈینیشن اینڈ مانیٹرنگ یونٹ کیتے 13.581 ملین روپے، وزارت انسانی حقوق دی ادارہ جاتی مضبوطی کیتے 14.324 ملین روپے، اسلام آباد اچ ٹرانس جینڈر پروٹیکشن سینٹر ٻݨاوݨ دے پائلٹ پراجیکٹ کیتے 13 ملین روپے جڈانجو اسلام آباد دے ایچ -9 سیکٹر اچ چائلڈ پروٹیکشن انسٹیٹیوٹ ٻݨاوݨ کیتے زمین ڳھنݨ، فیزیبیلٹی سٹڈی ، ڈیزائن، بائونڈری وال ٻݨاوݨ کیتے 11.795 ملین روپے رکھݨ دی تجویز ݙتی ڳئی اے۔
