اسلام آباد۔7جولائی (اے پی پی):وزیراعظم محمد شہبازشریف حوالدار لالک جان شہید (نشان حیدر) کوں انہاں دے 24ویں یوم شہادت تے خراج عقیدت پیش کریندے ہوئیں آکھیے جو لاک جان شہید کارگل دی جنگ اچ آپݨی بے مثال جرأت وبہادری نال دشمن دا مقابلہ کیتے ۔جمعہ کوں وزیراعظم آفس دے میڈیا ونگ توں جاری بیان موجب وزیراعظم شہباز شریف آکھیے لالک جان شہید کارگل دی جنگ اچ بے مثال جرأت وبہادری نال دشمن دا مقابلہ کیتے ،ناردرن لائٹ انفینٹری دے ایں جانباز مجاہد ٻہوں اوکھے حالات اچ مادروطن دا دفاع کریندے ہوئیں جام شہادت نوش کیتا ۔ انہاں آکھیے قوم اپݨے شہدا اتے انہاں دی عظیم قربانیاں کوں سلام پیش کریندی اے ،شہدا اتے غازی ساݙے سر دا تاج اتے ملک وقوم دی سلامتی دا فولادی حصار ہن ۔وزیراعظم شہدا دے درجات دی بلندی اتے انہاں دے اہل خانہ کیتے صبر جمیل دی دعا کیتی ۔
