اسلام آباد۔11ستمبر (اے پی پی) صدر مملکت ڈاکٹر عارف علوی ملک دے سارے بینکاں تے زور ݙتے جو بینک آپݨے صارفین کوں بینکنگ فراڈ بارے باقاعدگی نال خبردار اتے کلائنٹس نال آپݨے معمول دے رابطے کوں ٻہتر ٻݨاوݨ۔ انہاں آکھیا جو سادہ لوح لوکاں کوں اکثر دھوکے نال ڄال اچ پھسایا ویندے اتے جعلی کالاں دے ذریعے اتے کجھ ویلھے بینکنگ دے احاطے اندر وی انہاں دی محنت دی کمائی ڳئی رقم ہھتیا ڳھدی ویندی اے۔ صدر اے ریمارکس حبیب بینک لمیٹڈ (ایچ بی ایل) ولوں وفاقی محتسب دے فیصلے دے خلاف ترجیحی نمائندگی تے آپݨا فیصلہ لکھدیں ہوئیں ݙتے۔ صدر مملکت حبیب بینک لمیٹڈ ولوں وفاقی محتسب دے فیصلے دے خلاف درخواست تے حبیب بینک دی درخواست مسترد کرݙتی اتے بینک کوں رحیم یار خان دے ہک غریب باورچی کوں 249،525 روپے دی رقم ݙیوݨ دا حکم ݙتے جئیں کوں دھوکے بازاں ٹیلی فون تے بینک اہلکار ݙسا تے ذاتی بینکنگ معلومات ڳھن تے آن لائن بینکنگ نال اکاؤنٹ توں کݙھوا ڳھدی ہئی۔ صدرمملکت آکھیا جو بینک آپݨے صارفین کوں بینکنگ فراڈ بارے باقاعدگی نال خبردار اتے کلائنٹس نال آپݨے معمول دے رابطے کوں ٻہتر ٻݨاوݨ۔
