راولپنڈی۔24اکتوبر(اے پی پی) سکیورٹی فورسز خیبر پختونخوا دے علاقے باجوڑ اچ ھک کاروائی اچ ٻہوں مطلوب دہشتگرد سودھے 9 دہشتگرداں کوں ہلاک کرݙتے ۔پاک فوج دے شعبہ تعلقات عامہ موجب اے آپریشن گزریل رات انٹیلی جنس معلومات دی بنیاد تے کیتا ڳیا جیں اچ دہشتگرداں دی موجودگی دی اطلاع ملی ہئی ۔ کارروائی اچ فائرنگ دے شدید تبادلے دے بعد 9 دہشتگرد ماریے ڳئن ۔ہلاک تھیوݨ آلے دہشتگرداں اچ ݙو خودکش بمبار تے ٻہوں مطلوب دہشتگرد رہنما سید محمد عرف قریشی استاد وی شامل ہئی ۔ دہشتگرداں توں باری مقدار اچ اسلحہ اتے گولہ بارود وی برآمد کیتا ڳئے ۔پاک فوج دا آکھݨ اے اے دہشتگرد سکیورٹی فورسز اتے عام شہریاں دے خلاف دہشتگردانہ کارروائیاں اچ ملوث ہن، تے سکیورٹی فورسز ملک توں دہشتگردی مکاوݨ سانڳے پرعزم اے۔
