لاہور۔24ستمبر (اے پی پی):صدر مملکت ڈاکٹر عارف علوی آکھیے جو وزیر اعظم عمران خان دی قیادت اچ ملک ترقی دی رستے تے ٹردا پئے تے ٻاہرلی سرمایہ کاری توں ملک اچ نویں صنعتی زون بݨدے پئن ،حکومت صنعتی انقلاب تے یقین رکھیندی اے ،کورونا توں پوری دنیا متاثر تھئی اے مگر پاکستان اینکوں وݙی حد تئیں روکݨ اچ کامیاب رہ ڳئے ،دنیا کوں ایں ویلھے ابھردے ہوئے نویں پاکستان دی لوڑھ اے جݙاں جو اقتصادی طور تے کہیں وی ملک کوں کلھا نی کیتا ونڄ سڳدا ، او لاہور اچ چینی سرمایہ کاری توں قائم چیلنج ٹیکسٹائل فیکٹری دے دورہ دے موقع تے خطاب کریندے پئے ہن ۔ چیلنج ٹیکسٹائل فیکٹری دی ایم ڈی کیرن چن اتے پاکستانی تاجر قمر خان بوبی صدر مملکت کوں ایندے تے بریفنگ ݙتی ۔ایں موقع تے صدر مملکت 150ملین ڈالر توں شروع تھیوݨ آلے چیلنج ٹیکسٹائل پارک دا وی افتتاح کیتا۔صدر مملکت ڈاکٹر عارف علوی آکھیے جو پاکستان کوں چیلنج ٹیکسٹائل جیہی سرمایہ کاری دی مزید لوڑھ اے ۔
