اسلام آباد – 18 – مئي (اي پي پي) اطلاعات ۽ نشريات واري وفاقي وزير چوڌري فواد حسين اطلاعات ۽ نشريات واري مملڪتي وزير فرخ حبيب سان گڏ ريڊيو پاڪستان جو دورو ڪيو جتي ريڊيو پاڪستان جي ڊائريڪٽر جنرل عنبرين جان پاران اطلاعات ۽ نشريات واري وزير چوڌري فواد حسين ۽ مملڪتي وزير فرخ حبيب کي ريڊيو جي ورڪنگ ۽ پوڊ ڪاسٽ پروگرام جي حوالي سان تفصيلي بريفنگ ڏني وئي. اطلاعات ۽ نشريات واري وفاقي وزير چوڌري فواد حسين چيو ته ريڊيو پاڪستان کي موجوده دور جي جديد گهرجن سان هم آهنگ ڪرڻ جي ضرورت آهي، سڄي دنيا ۾ ملڪي تشخص ۽ قومي بيانيي کي اجاگر ڪرڻ ۾ ريڊيو پاڪستان جو اهم ڪردار آهي.
