اسلام آباد۔23ستمبر(اے پی پی)لیفٹیننٹ جنرل محمد عاصم ملک کوں ڈی جی آئی ایس آئی لا ݙتا ڳئے ڄیڑھے 30 ستمبر کوں اپݨیاں ذمہ داریان سنٻھلیسن۔ لیفٹیننٹ جنرل عاصم ایں ویلھے جی ایچ کیو اچ ایڈجونینٹ جنرل ہین۔ ایں توں پہلے او بلوچستان اچ انفنٹری ڈویژن اتے وزیرستان اچ انفنٹری بریگیڈ دی کمانڈ کر چکین۔ لیفٹیننٹ جنرل عاصم ملک اپݨے کورس اچ اعزازی شمشیر وی ڳھن چکین۔ او چیف انسٹرکٹر این ڈی یو اتے انسٹرکٹر کمانڈ اینڈ سٹاف کالج کوئٹہ وی رہین۔ لیفٹیننٹ جنرل عاصم فورٹ لیون ورتھ اتے رائل کالج آف ڈیفنس سٹڈیز دے وی گریجویٹ ہین۔
