اسلام آباد۔27مئی(اے پی پی):سپیکر قومی اسمبلی راجہ پرویز اشرف تے ڈپٹی سپیکر زاہد اکرم درانی گلگت اچ برفانی تودہ ڈھݨ پاروں قیمتی انسانی جاناں دے ضیان تے ݙکھ تے افسوس کیتے ۔ ہفتے کوں اتھاں جاری بیان اچ سپیکر تے ڈپٹی سپیکر اپݨے جاری تعزیتی پیغامات اچ گلگت اچ برفانی تودہ ڈھݨ توں قیمتی انسانی جاناں دے ضیان تے ݙکھ تے افسوس دا اظہار کریندے ہوئیں ݙکھی خانداناں نال دلی تعزیت، ہمدردی اتے یکجہتی دا اظہار کیتے ۔انہاں آکھیے ݙکھے ویلھے ݙکھی خانداناں دے ݙکھ اچ برابر دے شریک ہیسے ۔سپیکر اتے ڈپٹی سپیکر اللہ تعالیٰ توں برفانی تودہ دے تلوں دب تے جاں بحق تھیوݨ آلے لوکاں دے درجات دی بلندی اتے ݙکھی خاندان کوں ایں ناقابل تلافی نقصان کوں برداشت کرݨ کیتے صبر جمیل عطاء فرماوݨ دی دعا کیتی ۔
