لاہور۔18دسمبر(اے پی پی) وزیراعظم دے نمائندہ خصوصی بین المذاہب ہم آہنگی و مشرق وسطی اتے چیئرمین پاکستان علما کونسل حافظ محمد طاہر محمود اشرفی آکھیے جو سعودی عرب دی حکومت حج و عمرہ زائرین کیتے ہر ممکن سطح تے سہولتاں ݙیندی پئی اے ۔ ایں بارے پاکستان سعودی عرب نال مسلسل رابطے اچ اے ۔اتوار کوں جاری بیان اچ انہاں آکھیے اساں امید کریندوں جو اڄوکے سال حاجیاں کیتے مزید سہولتاں ودھائیاں ویسن ۔ حافظ محمد طاہر محمودا شرفی آکھیے حج و عمرہ ھک مقدس عبادت اے ، سعودی عرب دی حکومت بالخصوص خادم الحرمین الشریفین شاہ سلمان بن عبد العزیز اتے سعودی ولی عہد امیر محمد بن سلمان دی سرپرستی اچ حجاج اتے زائرین کیتے زیادہ توں زیادہ سہولتاں پیدا کرݨ دی کوشش کریندے پیوں ۔ سعودی عرب دی حکومت جیویں عمرہ ویزہ کوں سوکھا کیتے او قابل قدر اتے قابل ستائش اے۔
