اسلام آباد۔1جولائی(اے پی پی)پاکستان اتے بھارت اسلام آباد اتے نئی دہلی اچ سفارتی چینل ولوں ہک ٻئے دے قیدیاں دی فہرستاں دا تبادلہ کیتے۔ دفتر خارجہ دی ترجمان آکھیے جو 2008 دے قونصلر رسائی معاہدے سانڳے ہر سال یکم جنوری اتے یکم جولائی کوں فہرستاں دا تبادلہ کیتا ویندے، پاکستان اپݨیاں جیلاں اچ قید 254 بھارتی شہری قیدیاں اتے ماہی گیراں دی فہرست ݙتی اتے ولدے اچ بھارت 452 پاکستانی یا منیے ونڄݨ آلے پاکستانی شہری قیدیاں تے مچھیریاں دی فہرست ݙتی۔ پاکستان لاپتہ 38 پاکستانی دفاعی اہلکاراں دی فہرست وی ݙتی ڄیڑھے 1965 اتے 1971 دی جنگاں دے بعد بھارت دی قید اچ ہین۔ پاکستان بھارت اچ اپݨی سزا پوری کرݨ آلے سارے پاکستانی قیدیاں کوں چھوڑݨ اتے ولا وطن ٻھیڄݨ دا مطالبہ کیتے۔ پاکستان جسمانی اتے ذہنی معذور قیدیاں سودھا مختلف پاکستانی قیدیاں تئیں خصوصی قونصلر رسائی سودھا انہاں دی قومی حیثیت دی فوری تصدیق دی درخواست کیتی اے۔
