اسلام آباد۔30اپریل(اے پی پی)صدر مملکت ڈاکٹر عارف علوی اسلام آباد اچ چین دے سفارتخانے دا دورہ کیتے اتے انہاں چین دے عوام اتے حکومت نال کراچی اچ تھیوݨ آلے دہشت گردی حملے اچ چینی شہریاں دے مرݨ تے افسوس کیتے۔ چین دی ناظم الامور پینگ چونچوئی نال الیندے صدر مملکت پوری قوم اتے حکومت ولوں پرچاوݨی ݙیندے ہوعے یقین ݙیوائے جو ایں ݙکھ اچ اساں چین دے نال ہیں، پاکستان چینی شہریاں دے تحفظ اتے دہشتگردی اچ ملوث عناصر کو سزا ݙیواوݨ کیتے پورا زور لیسی جو اینڄھے واقعات ݙوہاں ملکاں وچال ڄھیڑا ڳھتاوݨ دی سازش ہین بھل اساں ہمیشہ آلی کار ہک ٻئے دے نال کھڑے ہیں۔
