اسلام آباد۔19جنوری(اے پی پی) ملک اچ کرونا (اومی کرون) دے ودھدے کیسز پاروں این سی او سی نویاں پابندیاں دا اعلان کر ݙتے اتے 10 فیصد توں ودھ شرح آلے شہراں اچ ان ڈور تقریبات تے مکمل پابندی لا ݙتی اے۔ وفاقی وزیر منصوبہ بندی و سربراہ نیشنل کمانڈ اینڈ آپریشن سنٹر (این سی او سی ) اسد عمر دی اڳواݨی اچ این سی اوسی دا اجلاس تھئے۔ اجلاس اچ کورونا صورتحال اتے احتیاطی تدابیر تے عملدرآمد دا جائزہ ڳھدا ڳئے۔ 10 فیصد توں ڳھٹ شرح آلے شہراں اچ آؤٹ ڈور تقریبات اچ 3 توں 5 سو لوک وںڄ سڳسن ڄݙاں جو 10 فیصد توں ودھ شرح آلے شہراں اچ تعلیمی سرگرمیاں محدود رہسن، 12 سال توں ڳھٹ عمر دے ٻال 3 ݙینھ 50 فیصد حاضری ݙیسن ڄݙاں جو 12 سال توں ودھ عمر دے طلبہ دی پوری حاضری ہوسی اتے انہاں دی ویکسین لازمی تھیسی۔ این سی او سی پبلک ٹرانسپورٹ کوں 70 فیصد مسافراں نال ٹرݨ، سینما، مزارات اتے پارکاں اچ وی 50 فیصد لوکاں دی شرط رکھی ڳئی اے ایں سانڳے ٻئی صورتحال دے جائزہ کیتے این سی او سی 27 جنوری کوں اجلاس کریسی اتے ٻئے اقدامات دا فیصلہ تھیسی۔
