اسلام آباد۔3جولائی (اے پی پی) وزیر خارجہ مخدوم شاہ محمود قریشی کینیڈین صوبے البرٹا دے علاقے چیسٹرمیئر اچ بھاہ لگݨ دے واقعے اچ پاکستانی نژاد کینیڈین ٹبر دے ست بندیاں دے جاں بحق تھیوݨ تے ݙکھ تے افسوس کیتے۔ ہفتے کوں آپݨے جاری بیان اچ وزیرخارجہ آکھیا جو بھاہ لگݨ دے واقعے اچ شہریاں دے جانی ذیان تے افسوس اے۔ واقعے دی تحقیقات سانڳے کینڈٰین حکام نال رابطے اچ ہم۔ وزیرخارجہ ایں واقعے اچ جاں بحق تھیوݨ آلیاں سانڳے مغفرت تے درجات دی بلندی دی دعا کیتی۔ انہاں آکھیا جو کینیڈا اچ تعینات پاکستانی ہائی کمشنر اتے پاکستانی قونصلیٹ وینکوور، متاثرہ ٹٻر نال مسلسل رابطے اچ ہن۔
