اسلام آباد۔3اپریل (اے پی پی):پاکستان اچ چین دے سفیر نونگ رونگ ہفتہ کوں وفاقی وزیر بحری امور سید علی حیدر زیدی نال انہاں دے دفتر اچ ملاقات کیتی۔ ہفتے کوں اتھاں جاری پریس ریلیز دے مطابق ملاقات دے دوران انہاں بحری امور دے شعبیں اچ ݙو پاسے تعاون تے ڳال مہاڑ کیتی ۔ ݙوہیں رہنماواں چین پاکستان اقتصادی راہداری دے تحت ݙوہیں ملکاں وچال اقتصادی تعاون کوں مزید مستحکم بݨاوݨ کیتے بلیو اکانومی دے تصورات کوں بھرپورانداز اچ بروئے کار آوݨ اچ دلچسپی دا اظہار کیتا۔ ملاقات دے دوران گوادر پورٹ کوں پورا فعال بݨاوݨ متعلق امور تے وی ڳال مہاڑ کیتی ۔ چینی سفیر پر تپاک استقبال تے وفاقی وزیر دے نال اظہار تشکر کیتا۔
