اسلام آباد۔23جنوری(اے پی پی) وزیراعظم محمد شہباز شریف آکھیے عالمی بینک نال 10 سالہ شراکت داری فریم ورک پاکستان سانڳے ٻہوں اہمیت رکھݨ آلا منصوبہ اے ، فریم ورک تے عمل کریندے پاکستان کوں عظیم ملک بݨیسوں ، جیڑھا کم اڄ تھیندا پئے اے پہلے تھی ونڄݨا چاہیدا ہئی۔ او ورلڈ بینک دے 10 سالہ شراکت داری فریم ورک دی افتتاحی تقریب توں خطاب کریندے پئے ہن ۔ ایں موقع تے وفاقی وزراء اسحاق ڈار، عطاء اﷲ تارڑ، احد چیمہ، عبدالعلیم خان، اویس لغاری، مصدق ملک، عالمی بینک دے نائب صدر ما??ٹن رائزر سودھے متعلقہ وزارتاں دے اعلیٰ حکام اتے سفارتکار وی موجود ہن ۔وزیراعظم تقریب توں خطاب کریندے آکھیے اڄ تاریخی تے خوشگوار ݙینھ اے ، ورلڈ بینک کئی شعبیں اچ پاکستان دی مدد کیتی اے ، عالمی بینک ہائیڈل، توانائی اتے اداریں اچ اصلاحات سودھے کئی شعبیں اچ پاکستان نال تعاون کیتے ، ایں نویں پروگرام توں تعلیم، صحت، موسمیاتی تبدیلی، آئی ٹی، زراعت سودھے 6 شعبیں اچ ترقی تھیسی اے شراکت داری 10 سال تے محیط ہوسی ۔ وزیراعظم آکھیے جیڑھا کم اڄ تھیندا پئے او ٻہوں پہلے تھیوݨا چاہیدا ہئی ۔ انہاں آکھیے ایف بی آر دی ڈیجیٹائزیشن دا عمل جاری اے، کراچی اچ فیس لیس اسسمنٹ شروع کرݙتی ڳئی اے اے نظام ساری پورٹس تے شروع ک??تا ویسی جیں توں کسٹمز ڈیوٹی، ان لینڈ ریونیو اتے سیلز ٹیکس دی مد اچ ارباں روپے قومی خزانے اچ آسن تے کرپشن تے قابو پاوݨ اچ مدد ملسی ۔ وزیراعظم آکھیے ایں توں حکومت کوں سماجی و اقتصادی مقصد سانڳے زیادہ وسائل ملسن تے غربت مکاوݨ اچ مدد ملسی ۔ وزیراعظم ورلڈ بینک دا شکریہ ادا کریندے آکھیے حکومت مشکل اہداف گھنݨ سانڳے ھک ٹیم دی صورت اچ کم کریندی پئی اے ، ورلڈ بینک نال رل تے ٻہوں محنت نال اے منصوبہ تیار ک??تا ڳئے جیں دا اڄ افتتاح ک??تا ڳئے ۔ وزیراعظم آکھیے پبلک پرائیویٹ پارٹنرشپ ایں منصوب?? دا حصہ اے، جیں کوں محنت اتے عرق ریزی نال اے پروگرام بݨا ݙتا ڳئے ایں جذبے نال ایں تے عمل کریندے پاکستان کوں عظیم ملک بݨیسوں ۔ ایں توں پہلے وفاقی وزیر اقتصادی امور احد چیمہ آکھیے ورلڈ بینک نال 10 سالہ شراکت داری فریم ورک ماݨ دی ڳالھ اے ، اے پاکستان اتے عالمی بینک وچال ٻہوں اہمیت رکھݨ آلا منصوبہ اے ، عالمی بینک ایں فریم ورک دے تحت20 ارب ڈالر ݙیسی جیں توں غربت مکاوݨ اچ مدد ملسی تے تعلیمی شعبہ اچ چنڳائی آسی ، عالمی بینک 1950ء توں پاکستان کوں مختلف شعبیں اچ تعاون کریندا پئے ۔ عالمی بینک دے نائب صدر ما??ٹن رائزر آکھیے شراکت داری فریم ورک دے تحت 6 شعبیں اچ توجہ کیتی ڳئی ، انہاں آکھیے عالمی بینک پاکستان نال تعاون جاری رکھیسی۔
