خرطوم _19 اپريل (اي پي پي ) سوڊان چيو آهي ته ملڪ ۾ دست ۽ ڊينگي بخار سبب 391 ماڻهو اجل جو شڪار ٿي ويا آهن . شنوا سوڊان جي صحت واري وزارت جي بيان جي حوالي سان ٻڌايو ته هڪ سال دوران دست ۽ ڊينگي بخار سبب ڪل 391 ماڻهو اجل جو شڪار ٿي ويا آهن . صحت واري وزير هيثم محمد ابراهيم چيو ته اٽڪل 11،000 دست وبا جا ڪيس رڪارڊ ڪيا ويا آهن جنهن مان 12 رياستن ۾ 325 ماڻهو اجل جو شڪار ٿي ويا . ڊينگي بخار جا ڪيس 9000 تائين پهچي چڪا آهن جنهن مان 66 ماڻهو اجل جو شڪار ٿي چڪا آهن .
