اسلام آباد۔28دسمبر (اے پی پی):وفاقی وزیر آبی وسائل فیصل واوڈا آکھیے جو اداریں تے بے جا الزامات لاوݨ آلیں کوں الٹا لڑکیسوں تے انہاں کوں ݙسیسوں جو حکومتی رٹ کیا ہوندی اے ، فوج اپݨے پیشہ وارانہ امور تے توجہ ݙتی ہوئی اے تے جمہوریت دے نال اے ، ایندا سیاست توں کوئی تعلق کائنی ، زرداری (ن) لیگ دے جھانسے اچ نہ آسن تے سینٹ الیکشن اچ حصہ گھنسن ،مریم نواز اقتدار توں مھروم دے بعد توں واویلا مچیا ہویا اے او کیڑھی حیثیت نال ارکان اسمبلی توں استعفے منگدے پئن ، نواز شریف جنرل جیلانی دی پیداوار ہن، بے نظیر بھٹو دی کردار کشی کریندے رہیے اڄ اساں تے الزام لیندے پئن ۔ اے ڳالھ انہاں سنوار کوں وفاقی وزراسینیٹر شبلی فراز اتے فواد چوہدری دے رلے پریس کانفرنس توں خطاب کریندے ہوئیں آکھی اے ۔فیصل واوڈا آکھیے جو مریم نواز اقتدار دی بھکی اے تے انہاں دا سارا رووݨ دھووݨ تے فرسٹریشن اقتدار توں محرومی دا نتیجہ اے، انہاں کل جلسے توں خطاب کریندے ہوئیں کوڑ تے فریب توں کم ڳھدے ، جݙاں انہاں توں پچھیا ڳیا جو انہاں دی اہلیت کیا اے جو 65، 65، 70، 70 سال دے لوک انہاں دے پچھوں ملازماں تے کنیزاں وانگوں ہتھ ٻدھ تے کھڑے تھیندن م کیڑھے منہ توں اواپݨے لوکاں توں استعفے منگدی پئی اے انہاں دی حیثیت کیا اے جݙاں جو انہاں دی پارٹی صدر انہاں دے چاچے ہن ، کیا انہاں دی پارٹی دے ارکان انہاں دے پیدائشی ملازم ہن ۔
