اسلام آباد۔ 23 مئی (اے پی پی) وزیر داخلہ محسن نقوی پاسپورٹ تے شادی شدہ تریمت دے والد یا پئے دے ناں دے اندراج معاملے دا نوٹس ڳھندیں ہوئیں وفاقی سیکرٹری داخلہ آغا خرم دی سربراہی اچ کمیٹی ٻݨا ݙتی اے۔ کمیٹی ایں معاملے دا حل کݙھیسی۔ وفاقی وزیرداخلہ محسن نقوی میڈیا رپورٹس دا نوٹس ڳھندیں ہوئیں خمیس کوں کمیٹی ٻݨائی اے۔ وزیرداخلہ آکھیا جو کمیٹی سارے مسئلے دا جائزہ ڳھن تے بہترین حل بارے تجویزاں ݙیوے۔ شادی شدہ تریمت دی سہولت اتے سوکھ کوں ݙیکھدیں ہوئیں سفارشات ٻݨائی ونڄن۔
